Policia serbe ndalon një të ri nga Kosova në Horgosh, i gjen një emblemë të UÇK-së në automjet

Sipas informacioneve të bëra publike, i riu, i lindur në vitin 1997, vazhdon të mbahet në ambientet e policisë në pikën kufitare, ndërsa deri tani nuk ka informacione të konfirmuara për statusin e tij procedural.

Gjatë kontrollit të automjetit, policia serbe ka gjetur një emblemë të UÇK-së nën ulësen e veturës. Sipas të njëjtave burime, i riu ka deklaruar se nuk ka qenë në dijeni që emblema ndodhej aty.