Trajneri i Chelseat, Maruicio Pochettino, ka reaguar pas rezultateve të dobëta nëpër të cilat po kalon klubi.
Ai tha se sa ka marrë mesazh të mirë nga pronarët, për të cilat tha se janë në kontakt të përditshëm me të dhe sipas tij, kjo tregon mbështetje.
Pochettino foli edhe për takimin që pati me lojtarët e klubit, duke thënë se mesazhi i tij për ta është se “unë ju besoj më shumë se kurrë”.
“Unë u thashë lojtarëve sot në një takim se iu besoj më shumë se kurrë. Unë do të ju mbështes më shumë se kurrë, unë nuk jam një shef normal, por jam lideri këtu”.
“Tifozët duhet të jenë të durueshëm. Ne duhet të gjejmë një mënyrë për të pasur sukses. Ne kemi nevojë për mbështetjen, sigurisht dhe ne kërkojmë mbështetjen për ekipin, për lojtarët tanë”, tha Pochettino, shkruan gazetari sportiv, Fabrizio Romano, transmeton Klankosova.tv.
Më tej, ai tha se duhet kohë për të ndërtuar një ekpi dhe sipas tij, të gjithë duhet t’i besojnë projektit.
