Shoqata e Prodhuesve të Qumështit të Kosovës ka njoftuar fermerët se është pezulluar vendimi për ndërprerjen e grumbullimit të qumështit, i cili ishte paraparë të hynte në fuqi nga 1 shtatori 2026.
Vendimi është pezulluar pas një takimi ndërmjet përfaqësuesve të institucioneve përkatëse dhe përpunuesve të qumështit. Si rrjedhojë, grumbullimi i qumështit do të vazhdojë deri në një vendim apo njoftim tjetër.
Shoqata ka bërë të ditur se fermerët do të njoftohen me kohë për çdo zhvillim të mëtejmë.
Njoftimi i plotë:
NJOFTIM PËR FERMERËT
Shoqata e Prodhuesve të Qumështit të Kosovës njofton të gjithë fermerët se, pas takimit të zhvilluar ndërmjet përfaqësuesve të institucioneve përkatëse dhe përfaqësuesve të përpunuesve të qumështit, është pezulluar vendimi për ndërprerjen e grumbullimit të qumështit, i paraparë të fillonte nga data 01.09.2026.
Rrjedhimisht, grumbullimi i qumështit do të vazhdojë deri në një vendim apo njoftim tjetër.
Shoqata e Prodhuesve të Qumështit të Kosovës do t’i njoftojë fermerët me kohë për çdo zhvillim të mëtejmë.
