9.3 C
New York
Saturday, April 13, 2024

Buy now

Petrisch: ShBA-të kërkuan nisjen e avionëve luftarakë pas Reçakut, evropianët negociata

- Advertisement -

Sot janë bërë 25 vjet nga nisja e bombardimeve të NATO-s mbi ushtrinë dhe policinë serbe.

Dy dekada e gjysmë pas këtij akti, ka folur diplomati austriak Wolfgang Petrisch.

Ai ka folur rreth disa çështjeve të pathëna deri më sot.

Petrisch tha për gazetën serbe Danas se Shtetet e Bashkuara të Amerikës kanë dashur t’i dërgojnë forcat ushtarake menjëherë pas Masakrës së Reçakut, por sipas tij evropianët kishin insistuar nisjen e negociatave fillimisht.

“SHBA-të donin të dërgonin menjëherë forcat ajrore, por ne evropianët këmbëngulëm se tani ishte koha për të ftuar të dyja palët për të filluar negociatat serioze, bazuar në një marrëveshje të përkohshme që të dyja palët e kishin njohur prej shumë muajsh. Rambujeja ishte me të vërtetë më shumë se vullneti politik për të gjetur një zgjidhje kompromisi”, tha austriaku.

“Që nga tetori 1998, ekziston një i ashtuquajtur urdhër aktivizimi i NATO-s, hapi i fundit përpara ndërhyrjes aktuale ushtarake. Disa ambasada evakuuan zyrat e tyre dhe u larguan nga Beogradi. Ata u kthyen shpejt sepse Millosheviqi tërhoqi një pjesë të forcave të tij nga Kosova dhe lejoi Misionin Verifikues të OSBE-së të hynte në Kosovë. Pra, ishte një situatë shumë e rëndë tashmë në fund të vitit 1998. Por pas një periudhe të shkurtër qetësie, konflikti vazhdoi dhe përfundoi vetëm në Reçak në mesin e janarit 1999, ku forcat speciale vranë 45 civilë. Kjo masakër ndryshoi lojën”, theksoi diplomati Wolfgang Petrisch.

Diplomati austriak Wolfgang Petrisch, ishte përfaqësues i Bashkimit Evropian në negociatat që u zhvilluan në Rambuje.

Të ngjashme

111,400FansaPëlqeje
12,000NdjekësitNdjek

Të fundit