Një zjarr i madh ka përfshirë ndërtesën e parlamentit të Afrikës së Jugut. Pamjet nga Cape Town tregojnë shtëllunga tymi dhe flakë që dalin nga çatia e ndërtesës.
Mediat e huaja shkruajnë se ende nuk dihet shkaku i zjarrit, ndërsa zjarrëfikësit i kanë vendosur nën kontroll flakët.
Çatia dhe ndërtesa e Asamblesë Kombëtare kishin marrë flakë, thanë fillimisht autoritetet e qytetit. Ministrja e Punëve Publike Patricia de Lille tha më vonë se zjarri në Dhomën e Këshillit të Provincave (dhoma e sipërme e parlamentit) ishte vënë nën kontroll, por ndërtesa e Asamblesë Kombëtare ishte ende duke u djegur:
Kuvendi aktualisht nuk është në seancë për shkak të pushimeve. Shtëpitë e Parlamentit në Cape Town përbëhen nga tre seksione, me më të vjetrat që datojnë në 1884. Seksionet më të reja të ndërtuara në vitet 1920 dhe 1980 strehojnë Asamblenë Kombëtare.
