- Advertisement -
Një zjarr ka shpërthyer në një nga ndërtesat më të vjetra të Kopenhagës. Sipas mediave të huaja, ekuipazhet e urgjencës shkuan menjëherë në vendngjarje.
Zjarri përfshiu ndërtesën ndërkohë që nuk raportohet për ndonjë të lënduar. Ndërtesa historike, e cila ndodhet ngjitur me parlamentin danez, ishte në rinovim kur shpërtheu zjarri.
Ndërtesa përdorej shpesh për darka gala, konferenca dhe ngjarje, por nuk është e hapur për publikun.
Ministri i Kulturës i Danimarkës, Jakob Engel-Schmidt, postoi në Twitter fotot nga ndërtesa në zjarr duke thënë se 400 vjet trashëgimi kulturore daneze ishte përfshirë nga flakët.
