Arsenali ka bërë hap fals në ndjekjen e Liverpoolit, pasi ka barazuar 1:1 me Brighton në udhëtim.
Pas tri fitoreve radhazi, tani Topçinjtë kanë barazuar, duke i mundësuar liderit aktual, që të krijojë edhe më shumë epërsi në elitën e futbollit anglez.
Përballja në Amex Stadium ishte tejet e balancuar, me të dy skuadrat që arritën të krijonin raste të mira shënimi, por që u realizuan vetëm dy gola.
Skuadra e Mikel Artetës kaloi në epërsi vetëm pas 16 minutave lojë, kur 17-vjeçari Nwaneri, realizoi për 1:0, i asistuar nga Merino.
Më ndryshim në rezultat nuk pati në pjesën e parë, me Arsenalin që shkoi në pushim me epërsi minimale.
Pjesa e dytë i takoi Brightonit, ndonëse Arsenali e posedoi topin.
Vendasit e kërkuan golin me ngulm, diçka që e arritën në minutën e 61-të.
Saliba shkaktoi penallti, kur ndërhyri në zonë në Joao Pedron.
Joao Pedro mori përsipër goditjen nga pika e bardhë, duke u treguar shumë i saktë, për të barazuar rezultatin në 1:1.
Me këtë rezultat u mbyll takimi, me Arsenalin që pas tri fitoreve radhazi, tani ndalet me barazim.
Topçinjtë mbesin në vendin e dytë me pesë pikë më pak se lideri, Liverpool, por këta të fundit kanë dy ndeshje më pak të zhvilluara.
