Jeta personale e sulmuesit belg Leandro Trossard është bërë kryefjala e tabloideve britanike. Menjëherë pas lajmit për ndarjen e futbollistit nga gruaja e tij, nga Anglia kanë dalë raportime për paraqitjen e tij të papritur përkrah yllit të Hollivudit Anne Hathaway.
Sipas Motivaciones Futbol, dyshja u pa duke dalë nga një klub nate ku Trossard kishte shkuar për të festuar fitoren e Arsenalit ndaj West Ham.
Dëshmitarët okularë pohojnë se futbollisti dhe aktorja u larguan së bashku nga vendi i ngjarjes, duke shkaktuar menjëherë thashetheme për një romancë në zhvillim e sipër.
Kjo mbrëmje shënon daljen e parë publike të Trossard me një grua tjetër që kur njoftoi zyrtarisht ndarjen e tij nga gruaja e tij.
Është interesante se Anne Hathaway ka qenë prej kohësh një admiruese e talentit të belgut. Disa vite më parë, aktorja pranoi në një intervistë se Trossard ishte futbollisti i saj i preferuar – dhe madje me shaka imitoi festimin e tij karakteristik të golit.
