Orinda, e cila kishte udhëtuar për të eksploruar dhe për të marrë pjesë në aktivitete në një prej qyteteve më të bukura dhe historike të Evropës, përjetoi një incident të papritur që ndikoi në eksperiencën e saj.
![](https://telegrafi.com/wp-content/uploads/2024/05/orindahuta_1715336477_3364808708036864583_867560050.jpg)
Mesazhi i saj në rrjetet sociale pas ngjarjes nxori në pah një realitet të hidhur që ndodh në qytetet e mëdha turistike.
“Nuk më është dukur kurrë Roma më e shëmtuar se këto dy ditë”, shkroi Orinda në një postim në Instastory, duke ndarë me ndjekësit e saj një këshillë të rëndësishme për mbrojtjen e pronës personale. “Mos lini valixhet tuaja asnjë sekondë, as në bagazh të makinës. Ka hajdutë pafund”, paralajmëroi ajo.
![](https://telegrafi.com/wp-content/uploads/2024/05/orinn.png)
Interpretuesja e hitit “Oqean”, e cila nuk e kishte pritur një akt të tillë të padrejtë dhe të shpejtë të grabitjes, shpreson të ndajë këto informacione për të edukuar dhe për të ndihmuar të tjerët të mbrojnë veten nga hajdutët.
Ngjarja vë në dukje rëndësinë e kujdesit dhe vigjilencës së vazhdueshme, veçanërisht në qytete që tërheqin një numër të madh vizitorësh dhe ku grabitjet mund të ndodhin me shpejtësi.
![](https://telegrafi.com/wp-content/uploads/2024/05/orindahuta_1712744761_3343067817576329224_867560050.jpg)