Organizonte bixhoz në lokal, policia arreston një të dyshuar në Skenderaj

Një person është arrestuar dje në Skenderaj, nën dyshimin se i njëjti në lokalin e tij organizonte skema piramidale, përkatësisht bixhoz.

Rasti ka ndodhur në rrugën “Adem Jashari”, rreth orës 15:45, raporton Indeksonline.

Sipas policisë, në lokalin e të dyshuarit janë gjetur dhe konfiskuar tre televizorë për shërbime bastesh, katër monitorë, katër shtëpiza, 8 topa letër për printime, tri tastiera, 20 tiketa, një libër i basteve dhe një lexues i tiketave.

Nga lokali janë konfiskuar edhe 246.4 euro.

“Pas intervistimit me vendim të prokurorit i dyshuari është dërguar në mbajtje”, thuhet në raportin policor.