Sipas deputetit të partisë në pushtet, Arbër Rexhaj, Lista Serbe sot ndodhet nën ndikim të Beogradit zyrtar, dhe se sipas tij, është koha që në Kosovë të vijë një frymë e re.
Rexhaj në Politiko e ka quajtur organizatë kriminale, Listën Serbeve, dhe deputetët e saj “robot”.
Ai tha se deputetë të kësaj partie, edhe pse pjesë e Kuvendit të Kosovës, merrnin urdhra nga Beogradi.
“Unë komplet i quaj kriminela. Lista Serbe komplet është organizatë kriminale. Unë s’po e mohoj. Unë dua ta shoh dallimin në aspektin politik. Lista Serbe sot është një listë e vetme, i ka disa robotë që vijnë në Kuvendin e Kosovës dhe ku Beogradi zyrtar iu thotë bëjë këtë, dhe ata e bëjnë. Lista Serbe sot është kryekëput nën ndikim të Beogradit. Sot, në Kosovë duhet të vijë një frymë e re, e nisur nga Kurti. Këtu ka ndodhur një vrasje, dhe vrasja e Oliver Ivanoviqit do të thotë shumë edhe për Serbinë, sepse indikacionet çojnë që ai është vrarë nga Serbia. Iniciativa e Kurtit, edhe pse nuk është sot populiste dhe shihet me sy kritik, është e qëllimshme. Realisht, është rrugëtimi i ri, ku ne u bëjmë thirrje serbëve të Kosovës për ta pa Kosovën si pjesë të saj, pa Asociaciacion një etnik, pa ndarje të Kosovës dhe pa konsensione”, tha tutje Rexhaj në Politiko.
