Organizata e komunitetit LGBT, Dylberizëm, ka shpalos një flamur të madh të Palestinës sot në kryeqytet.
Ata thanë se këtë po e bëjnë në shenjë solidarizimi me popullin palestinez.
Nga kjo organizatë po ashtu thanë se ky flamur është larguar shpejtë nga aty.
Njoftimi i plotë:
Sot shpalosëm flamurin e Palestinës si akt i solidaritetit me luftën e popullit palestinez për liri. I vendosur krahas flamurit që kërkon çlirimin e Ukrainës, ky flamur denoncon pretendimet për solidarizim selektiv dhe insiston në të drejtën e çdo populli për liri. Ne qëndrojmë të bashkuar/a dhe të vendosur/a të kundërshtojmë dhe luftojmë çdo okupim, kolonizim dhe racializim të popujve.
Megjithatë, flamuri i Palestinës u hoq shumë shpejt pas vendosjes. Këtë akt ne e lexojmë si tentativë heshtuese nga shteti i Kosovës dhe pozicionim shqetësues në përkrahje të luftës gjenocidale të shtetit të Izraelit ndaj popullit palestinez.
*Ky aksion është në vazhdën e intervenimeve publike në solidaritet me Palestinën, e organizuar nga grupe dhe aktivistë/e të pavarur/a.
Liria dhe e ardhmja i takon Palestinës dhe popullit palestinez.
