Nol Nushi, Sekretar Organizativ i PSD-së ka reaguar pas lirimit të tij dhe 5 aktivistëve të tjerë të PSD-së që ishin arrestuar gjatë protestës kundër ardhjes së kryetares së Dhomave të Specializuara, Ekaterina Trendafilovës.
Nushi ka thënë se arrestimi i tyre u bë pa asnjë arsye logjike, vetëm se sipas tij, ata gjuajtën me petarde.
Madje sipas Nushit, policët u ftuan nga pushimi që t’i arrestonin.
“Me dhjetra police u angazhuan per arrest, ndalim, transport e kujdes per ne. U angazhuan avokate sipas detyres zyrtare. U ftuan plot police qe ti nderprejne pushimet. U bllokuan 4 dhoma te mbajtjes dhe nuk kishte vend per te sjelle te ndaluar te tjere. Pa asnje arsye logjike”.
“Krejt kjo humbje e kohe dhe resurseve publike per te na mbajtur te izoluar me qellim”.
“Nderkohe, ndodhen vrasje e plot krime te tjera”, ka shkruar Nushi në Facebook.
