Anëtari i Kryesisê së PDK, Betim Gjoshi, ka shprehur mirënjohje ndaj Organizatës së Veteranëve të Luftës së UÇK-së, Dega në Drenas, për nderimin e bërë babait të tij, Prof. Dr. Ragip Gjoshi, shkruan Scanner.
Sipas Gjoshit, ky vlerësim përfaqëson një dëshmi të respektit për kontributin shumëvjeçar të Prof. Dr. Ragip Gjoshit në fushën e dijes, arsimit, çështjes kombëtare dhe luftës për lirinë e Kosovës.
Ai ka falënderuar bashkëluftëtarët dhe të gjithë ata që, sipas tij, ruajnë me nder kujtesën e sakrificës dhe veprës së brezit të lirisë.
“Për familjen tonë, kjo mirënjohje mbetet një nder i madh dhe një amanet për brezat që vijnë”, ka shkruar Gjoshi, duke përmbyllur mesazhin me nderime për dëshmorët dhe të gjithë kontribuuesit e lirisë së Kosovës.
Postimi i plotë:
Mirënjohje për një jetë në shërbim të Atdheut
Me zemër të mbushur me krenari dhe mirënjohje, falënderoj Organizatën e Veteranëve të Luftës së UÇK-së, Degën në Drenas, për nderimin e bërë ndaj babait tim, Prof. Dr. Ragip Gjoshi.
Ky vlerësim është dëshmi e respektit për një jetë kushtuar dijes, arsimit, çështjes kombëtare dhe luftës për lirinë e Kosovës.
Faleminderit bashkëluftëtarëve dhe të gjithë atyre që ruajnë me nder kujtesën e sakrificës dhe të veprës së brezit të lirisë.
Për familjen tonë, kjo mirënjohje mbetet një nder i madh dhe një amanet për brezat që vijnë.
Lavdi dëshmorëve dhe nderim për të gjithë kontribuuesit e lirisë së Kosovës!
