11.2 C
New York
Wednesday, February 28, 2024

Buy now

Nga janari në shkurt, shtyhet shpresat për plotësimin e kërkesave të policëve

Një takim për gjetje të një zgjidhjeje për kërkesat e policëve të Kosovës për të cilat edhe dolën në proteste, ishte premtuar të mbahej në janar mes Sindikatës së Policisë dhe Ministrit të Punëve të Brendshme, Xhelal Sveçla.

Por, ky takim nuk u realizua. Megjithatë kryetari i Sindikatës e realizoi një takim tjetër, atë me përfaqësuesit e të gjitha njësive speciale.

Imer Zeqiri tregon se aty ka marrë mesazhin që të mos ndalet së insistuari në kërkesat e policëve .

Imer Zeqiri – Kryetar i Sindikatës së Policisë ka theksuar se “Neve na kanë autorizu, na kanë mbështetë dhe na kanë dhënë një shtysë që të jemi më këmbëngulës në kërkesat tona karshi qeveritarëve”.

Edhe mundësia për të protestuar prapë si dy herët e kaluara nuk është hedhur poshtë plotësisht.

Gjithsesi, ata presin që muaji shkurt të jetë vendimtar për ato kërkesa.

Imer Zeqiri – Sindikata e Policisë ka thënë “Ne do të veprojmë konform kërkesave të pjesëtarëve të Policisë së Kosovës. Nëse nga ta rrjedhë kërkesa që duhet të dalim në protestë atëherë do të dalim sepse ne i përfaqësojmë ata dhe kjo është periudha kohore e muajit shkurt që është marr në dispozicion të insistimit për t’i zgjedhur problemet me dialog”.

Mundësia për realizimin e atyre kërkesave është por më shumë ka inat politik, konsideron njohësi i çështjeve të sigurisë, Valdet Hoxha.

Valdet Hoxha – Njohës i çështjeve të sigurisë ka thënë se  “Kërkesat e policisë, konkretisht njësive speciale janë të mundshme për t’u realizuar, janë të drejta dhe të ligjshme por shihet që ka një inat politik nga Qeveria e Republikës së Kosovës dhe kemi pozicionim në dy kahje të kundërta, Qeveri dhe Polici në njërën anë e që kjo po e dëmton rëndë imazhin e vendit”.

Kërkesat kryesore të zyrtarëve ishin përmirësimi i kushteve të punës në përgjithësi, shtesat për rrezikshmërinë për zyrtarët policorë të jetë permanente dhe miratimi i ligjit për pensionim në moshën 55-vjeçare.

Të ngjashme

111,400FansaPëlqeje
12,000NdjekësitNdjek

Të fundit