- Advertisement -
Një destinacion i ri i është shtuar rrjetit të fluturimeve të Aeroportit Ndërkombëtar të Prishtinës “Adem Jashari”.
Nga 3 korriku kanë nisur fluturimet direkte në linjën Prishtinë – Karlsruhe/Baden, të cilat do të operohen nga kompania ajrore GP Aviation.
Përmes një njoftimi, Aeroporti Ndërkombëtar i Prishtinës bëri të ditur se ekipi i aeroportit, në bashkëpunim me GP Aviation, ka qenë i angazhuar në përgatitjet për inaugurimin e kësaj linje të re.
“Jemi të lumtur që po zgjerojmë mundësitë e udhëtimit dhe po krijojmë ura të reja lidhëse për pasagjerët tanë”, thuhet në njoftimin e aeroportit.
