Belgjika ka siguruar kualifikimin mes 16 ekipeve më të mira të Botërorit, pas një ndeshjeje të çmendur.
“Djajtë” triumfuan 3-2 ndaj Senegalit me përmbysje, në një nga ndeshjet më spektakolare të Botërorit, të vendosur pas shtesave.
Senegali e mbylli pjesën e parë në avantazh falë golit të Diarra në minutën e 25-të, ndërsa Sarr dyfishoi shifrat në minutën e 51-të.
Kur eliminimi dukej afër, Belgjika ia doli të barazojë shifrat. Lukaku ngushtoi shifrat në minutën e 86-të, ndërsa 3 minuta më vonë, Tielemans barazoi, për të dërguar ndeshjen në shtesa.
Mesfushori ishte protagonist edhe në fund të shtesave, kur fitoi penallti dhe e ktheu atë në golin e kualifikimit për Belgjikën.
Në fazën tjetër, Belgjika do të përballet me fituesin e SHBA-Bosnje Hercegovinë. /TV Klan/
