Neymar Jr mund të luajë këtë vit për herë të fundit në një Kupë të Botës.
Kupa e Botës është kompeticioni ku të gjithë futbollistët ëndërrojnë ta përjetojnë.
Këtë vit zhvillohet më ndryshe se herëve të tjera, pasi mbahet në mes të muajit nëntor dhe atij dhjetor.
Për shumëkënd Botërori i këtij viti do te jetë i fundit, ashtu duket të jetë edhe për Neymar Jr.
Në një intervistë për ‘Globo’, braziliani njoftoi se këtë Kampionat Botëror do ta luajë sikur të jetë i fundit për të, pasi beson që nuk do luajë më në këtë kompeticion.
“Nuk mund të garantoj se do të luaj një tjetër Kupë Bote. Sinqerisht nuk e di. Do të luaj sikur të ishte e fundit”, u shpreh Neymar.
Përveç brazilianit ky Botëror mund të jetë i fundit për Cristiano Ronaldo, Leo Messi, Karim Benzema, Luka Modric dhe shumë yjeve të tjera.
