Kryeministri i Izraelit, Benjamin Netanyahu ka anuluar delegacionin izraelit në Shtëpinë e Bardhë, sipas raportimeve të mediave izraelite.
Kjo pasi ShBA hoqi dorë nga kërcënimi për të vënë veton ndaj votimit të Këshillit të Sigurimit të OKB-së që kërkon një armëpushim të menjëhershëm në Gaza.
Një deklaratë e zyrës së kryeministrit izraelit, e përcjellë nga Kann në pronësi të Izraelit, thotë:
“ShBA-ja u tërhoq nga pozicioni i saj i qëndrueshëm në Këshillin e Sigurimit, duke lidhur një armëpushim me lirimin e pengjeve”.
Para votimit, kryeministri izraelit kërcënoi se do të anulonte një vizitë në Uashington DC nga një delegacion izraelit i caktuar për në fillim të kësaj jave për të diskutuar një ofensivë të planifikuar izraelite në qytetin Rafah në Gaza, diçka që administrata Biden e kundërshtoi, raporton The Guardian.
