Bedri Hamza, kandidat i PDK-së për Kryeministër, ka kritikuar qeverinë Kurti për mungesë rezultatesh në të gjitha fushat.
Hamza përmendi në veçanti inflacionin, ku çmimet e produkteve bazike, sipas tij, janë rritur nga 40 deri në 100 për qind.
Ai gjithashtu kujtoi se Kosova është i vetmi i vend në evropë nën sanksione.
“Jemi i vetmi vend në Evropë me sanksione. Standardi i jetesës është përkeqësuar. Inflacioni në vitet e fundit ka qenë dyshifrorë. Rritja e çmimeve në produktet bazike ka qenë nga 40 deri në 100 për qind. Ndërsa pagat, pensionet, të ardhurat e qytetarëve kanë ngel njëjtë. Shporta e konsumatorit është shtrenjtuar dhe standardet e jetesës janë përkeqësu. Në aspektin e rendit dhe ligjit kanë ardhur në pushtet me shumë premtime dhe kemi pasë vazhdimisht probleme në respektimin e rendit dhe të ligjit. Nuk u shkel veç ligji, u shkel edhe Kushtetua e Kosovës. Jo një herë, por disa herë.” – tha Hamza në “Pressing”.
