Komisioni Qendror i Zgjedhjeve ka bërë të ditur rezultatet e daljeve të votuesve në katër komunat veriore për votimin për apo kundër largimit të kryetarëve aktualë në këto komuna.
Zëdhënësi i KQZ’së, Valmir Elezi, ka bërë të ditur se në Zveçan ende nuk ka asnjë votues.
“Duke u mbështetur në të dhënat që kemi pranuar nga komisionet komunale të zgjedhjeve, ju njoftojmë se procesi i votimit është duke vazhduar dhe se qendrat e votimit janë të hapura. Sipas të dhënave që kemi pranuar nga komisionet komunale të zgjedhjeve në këto komuna, numri i qytetarëve që kanë votuar deri në orën 15:00 është si në vijim: Në Leposaviq kanë votuar 122 votues, në Zubin Potok 17, në Zveçan nuk kemi votues dhe në Mitrovicë të Veriut 64 votues”, tha Elezi.
Ai në emër të KQZ’së i bëri thirrje qytetarëve të katër komunave veriore që ta shfrytëzojnë të drejtën e votës.
