- Advertisement -
Më herët u raportua për refuzimin e kërkësës së Patriarkut Porfirie për të vizituar Patriarkanën e Pejës, gjatë ditës së nesërme.
Pak momente më parë, MPJD ka treguar disa nga arsyet e refuzimit të kësaj kërkese.
“Përderisa Serbia vazhdon të shkelë marrëveshjen e Brukselit, të mos lejojë vizitat e zyrtarëve tanë shtetërorë në Serbi dhe për më tepër të mos ndalet me fushata kundër Republikës së Kosovës në arenën ndërkombëtare, si në proceset integruese ashtu edhe ato të njohjes, të vazhdojë të përdorë gjuhë të urrejtjes dhe kërcënime kundër Republikës së Kosovës dhe përfaqësuesve të saj, nuk do të lejohen vizitat as nga ana jonë”, thuhet ndër të tjera në reagimin e MPJD-së.
