Molliqaj: Kurti refuzoi marrëveshjen në Shtëpinë e Bardhë, por e pranoi në villën e Titos në Shën Naum

Kryetari i Partisë Sociale Demokrate (PSD), Dardan Molliqaj, ka reaguar lidhur me Marrëveshjen e Ohrit në një postim në Facebook. Ai ka thënë se kryeministri i Kosovës, Albin Kurti, ka refuzuar marrëveshjen në Shtëpinë e Bardhë në SHBA, por e ka pranuar në vilën e Titos në Shën Naum.

Molliqaj ka shtuar se Kurti dhe krejt partia e tij kanë futur kokën në dhe si struci dhe kanë pësuar një disfatë.

Reagimi i kreut të PSD-së vije pasi kryeministri i Kosovës dhe presidenti i Serbisë, Aleksandar Vuçiq, u pajtuan mbrëmë për Aneksin e Zbatimit të Marrëveshjes së Normalizimit, në Prishtinë.