Një grua nga Mitrovica është lënduar duke e mbrojtur djalin e saj, të cilin po tentonte ta sulmonte një i mitur.
Konflikti mes tyre ndodhur pasi dy djemtë, disa ditë më pasrë kishin pasur një mosmarrëveshje verbale.
“Raportohet se i dyshuari mashkull i mitur kosovar kishte shkuar te shtëpia e viktimës femër kosovare she kishte tentuar për të hyrë brenda në oborrin e shtëpisë për t’u konfrontuar fizikisht me djalin e saj pasi që ditë më parë kishte pasur një mosmarrëveshje verbale me të. Viktima duke penguar që i dyshuari te mos hyn brenda kishte pësuar gërvishtje të lehta në dorë. Viktima ka marrë tretman mjekësor”, thuhet në raportin e policisë.
Bëhet e ditur se me urdhër të prokurorit kujdestar, rasti është inicuar dhe procedohet në procedurë të rregullt.
