Brooklyn Beckham ka bërë një tjetër ndryshim në tatuazhet e tij, duke mbuluar pothuajse tërësisht një dedikim të vjetër për nënën e tij, Victoria Beckham.
27-vjeçari, i cili prej kohësh është në qendër të vëmendjes për përplasjet e raportuara me familjen e tij të famshme, ka treguar në rrjetet sociale rezultatin e fundit të tatuazhit në pjesën e majtë të barkut.
Brooklyn kishte tatuazhuar në vitin 2018 fjalët “djali i mamit”, si një dedikim për Victoria-n. Megjithatë, gjatë verës së kaluar ai nisi ta mbulonte këtë tatuazh, duke zbuluar për herë të parë ndryshimin gjatë një fotosesioni për revistën Glamour.
Tashmë, tatuazhi është transformuar edhe më tej. Në një fotografi të re pa bluzë, të publikuar në rrjetet sociale, Brooklyn tregoi një dizajn me lule që mbulon pjesën më të madhe të shkrimit të vjetër..
Tatuazhi i ri besohet se lidhet me bashkëshorten e tij, Nicola Peltz, dhe mund të jetë frymëzuar nga buqeta e luleve që ajo mbajti në dasmën e tyre në vitin 2022.
Ky nuk është ndryshimi i vetëm që Brooklyn ka bërë në tatuazhet e tij gjatë periudhës së tensioneve të raportuara me familjen Beckham. Ai ka hequr ose mbuluar edhe disa tatuazhe të tjera që lidhen me familjarët e tij.
Ndryshimi i fundit ka tërhequr vëmendjen e fansave, veçanërisht për shkak të historisë emocionale që kishte pas tatuazhit “djali i mamit”, i cili dikur simbolizonte lidhjen e ngushtë të Brooklyn me Victoria-n.
