Ambasadori i Kosovës në Kroaci, Martin Berishaj, ka deklaruar se nuk e njeh personalisht kryeministrin e Sllovenisë, Robert Golob.
Berishaj tha se kurrë nuk ka pasur kontakt me kreun e ekzekutivit slloven, derisa iu është përgjigjur akuzave për një skandal financiar.
“Kryeministrin e Republikës së Sllovenisë, z. Robert Golob nuk e njoh, kurre nuk e kam takuar në jetën time dhe nuk kam qenë kurrë në kontakt me të, kështu që pavarësisht asaj se sa herë do ta ricikloni lajmin e rrejshëm, ai vetëm lajm i rrejshëm mbetet”, ka shkruar Berisha.
Ndryshe për Berishajn vazhdimisht është raportuar në mediat sllovene, se ka qenë i përfshirë në një skandal të madh financiar, ku thuhet se Berishaj ka pranuar mjete financiare nga kompania energjetike “GEN” në Beograd.
Opozita në Kosovë vazhdimisht ka kërkuar shkarkimin e Berishajt, por presidentja Vjosa Osmani dhe Qeveria e Kosovës i kanë dalë në mbrojtje këtij të fundit.