9.3 C
New York
Thursday, March 28, 2024

Buy now

Luizi në podcast-in e kryeministrit Rama, kreu i qeverisë: “Po të të kisha pasur përballë në zgjedhje do më kishe krijuar probleme”

- Advertisement -

Gjatë qëndrimit në shtëpinë e “BBVIP” Luiz Ejlli e përmendi disa herë se do donte të fliste me kryeministrin Edi Rama, për arsye ende të paqarta, ndërkohë që pasi doli fitues i reality show-t, duket se dëshira e shkodranit është realizuar, me kreun e qeverisë që e ka bërë këngëtarin pjesë të podcast-in e tij, por jo për të folur specifikisht për programin apo “efektin Luiz”. Ejlli ka qenë së bashku me kryetarin e ri të bashkisë Shkodër në emisionin e Ramës, Benet Becin, i cili është përmendur shumë herë në reality show si personi që ka mbështetur Luizin në momentin e tij të vështirë, duke i dhënë edhe një punë. Sic mund ta dini, në zgjedhjet e gati 1 jave më parë, këngëtari e deklaroi votën e tij publikisht, për Benetin, gjë që u konsideruar edhe si faktor në zgjedhjet në Shkodër.

Në podcast-in e Ramës, ndër të tjera, është folur edhe për këtë pjesë, se si qyteti verior zgjodhi që për herë të parë këto zgjedhje lokale vendosi të “shkojë majtas”, ndërsa po ashtu u diskutua edhe “roli” i Luizit në votime dhe efekti tek njerëzit dhe historia me Benetin.

Më poshtë, pjesë nga biseda e tyre:

Kryeministri Edi Rama: Po pse ishte shërbimi për Shkodrën duke ardhur me ty dhe jo duke shkuar nga zemra? Se ky zemrën e ka djathtas. Te ty ka ardhur me mendje.

Benet Beci: Ka dhënë një mesazh të jashtëzakonshëm dhe nuk ka të bëjë me mua. Unë kam bërë ndere shumë, se punët kanë qenë ashtu, për të bërë ndere, për të dhënë. Mirëpo, mënyra e mirënjohjes sesi e ka kthyer Luizi, në fakt është një mesazh i jashtëzakonshëm për një nga gjërat më të rëndësishme në parim që është mirënjohja dhe ajo ka pasur shumë vlerë për mua, se jo çdokush e bën atë. Jo çdokush. Në jetë ne ballafaqohemi jashtëzakonisht, bën shumë dhe shpesh herë nuk ta kthen kush. Për mua ka qenë një shenjë që ka një mekanizëm që funksionon në jetë që në një moment të kthehet.

Kryeministri Edi Rama: Ty t’u bashkuan yjet…

Benet Beci: M’u bashkuan dhe yjet dhe kjo është një pjesë e bashkimit të tyre. Po ju bashkua Shkodrës kam përshtypjen për të qenë në këtë vend.

Kryeministri Edi Rama: U bashkuan yjet se mesa duket, unë me thënë të drejtën unë nuk isha optimist që do të ndodhte.

Luiz Ejlli: Që do të ndodhte, kush?

Kryeministri Edi Rama: Që do të ndodhte ky bashkimi i yjeve. S’isha optimist se në mënyrë të përsëritur e kisha kuptuar këtë gjë, që Shkodra vazhdonte mbante një pozicion, siç e quajte ti zemre. Pra, iracional dhe e mundte mendjen me atë që zemra i thoshte, i dukej sikur po bënte një tradhti shumë të madhe dhe e refuzonte edhe kur mendja thoshte, “shiko se mbase është momenti për ta hedhur këta hap”. Pastaj, fillova ta ndjej që gjëja po merrte një lloj rruge dhe duke pasur kaq shumë, eksperiencë se u bënë nuk e di sa fushata, 9 më duket, kam arritur në një pikë dhe bëhet gjithmonë e më shumë e ndjeshme kjo që e ndjej nga atmosfera, e ndjej nga fytyrat e njerëzve, e ndjej nga energjia që krijohet edhe kur ecën në rrugë gjatë një fushatë se si është gjendja aty. Se a ka aty a s’ka fitore. A ka aty mundësi për fitore, a s’ka?! Dhe këtë herë, kur erdha herën e parë, ndjeva diçka ndryshe dhe tek takimi që kemi pasur me gratë, aty mu duk se gjëja kishte filluar të thyhej, gjë që pastaj filluan ta tregonin dhe sondazhet që bënim ne. Po nejse, nuk është kjo.

Luiz Ejlli: Unë nuk e di dhe e them pa ndrojtje, nuk e di a ka ndikuar prezenca ime në krah të Benetit. Unë të shtunën kam qenë në Gjakovë duke kënduar. Deri në pesë e gjysmë kam qenë duke bërë foto dhe i kam hipur makinës e kam ardhur në Shkodër. Kam votuar e kam ikur prapë për në Gjakovë se kisha për të kënduar të dielën në darkë. Unë e thashë, kam bërë detyrën që duhet të bëjë çdo qytetar shqiptar, të hedh votën dhe i kam kthyer nderin Benetit. Tani, a kam ndikuar apo jo nuk më intereson sinqerisht. Nuk e kam bërë as për njerëzit, e kam bërë për Benetit për t’i treguar që nëse është mundësia për t’i kthyer nderin, unë këtu jam, pak rëndësi ka a kam fituar Big Brother, a jam kryeministër, apo jam pa punë. Unë ky Luiz jam, që të kam marr atë ditë në telefon, ky jam edhe sot para teje. Nuk ka të bëjë se çfarë arrita unë sot. Unë ai jam para teje, se nuk e harroj veten si e kam filluar dhe ku jam.

Kryeministri Edi Rama: Boll bërë propagandë për veten se na mbyte.

Luiz Ejlli: Po të bëja propagandë do thoja fitoi Beneti prej meje…

Kryeministri Edi Rama: Jo po e the në një farë mënyrë që nuk e di a fitoi prej meje, por unë e bëra timen. Po jo se nuk ka fituar prej teje, avash. Ta them unë që nuk ka fituar prej teje.

Luiz Ejlli: Po të më kishte mua përballë do flisnim…

Kryeministri Edi Rama: Do ishte në atë situatë me çfarë pashë unë, se të thashë, kur po flisnim që kur deri dhe dikush që unë e kam parë gjithmonë mbi libra edhe sa herë e shoh edhe flet kështu sikur është duke lexuar libër, arriti në pikën që shihte Big Brother-in, atëhere domethënë që situata ishte e tillë që Benetin po e po, po edhe mua po të më kishe dalë përballë do më kishe krijuar probleme.

Luiz Ejlli: Nuk i dihet!

Kryeministri Edi Rama: Po pra, atë po them.”

MIRËMËNGJES 😊 dhe me “Blu Bradhërs”-at prej Shkodre, Episodi 7 i Sezonit 1 të Podkastit FLASIM,

MIRËMËNGJES 😊dhe me “Blu Bradhërs”-at prej Shkodre, Episodi 7 i Sezonit 1 të Podkastit FLASIM, që mund ta shihni këtu, ta dëgjoni në https://podcasts.apple.com/al/podcast/blu-bradh%C3%ABrs/id1681372480?i=1000613745605 dhe ta ndiqni edhe në https://open.spotify.com/episode/5eZz8H5QftiZLuUgmCWCLv?si=BOwe-5COR36v-Vpm8p585Q, ju uroj një fundjavë të mbarë🙏

Posted by Edi Rama on Friday, May 19, 2023

Të ngjashme

111,400FansaPëlqeje
12,000NdjekësitNdjek

Të fundit