Bedri Hamza, Avdullah Hoti dhe Hykmete Bajrami janë ekonomistët politikanë që po përgjigjen në pothuajse shumicën e pretendimeve të VV-së rreth zhvillimit ekonomikë gjatë qeverisjes së Qeverisë Kurti.
Hiç më larg se dje, Bjarami, deputete e LDK-së, e cilësoi si të rremë një status të Hekuran Muratit, ministër i Financave në Qeverinë Kurti. Në shkrimin e saj, Bajrami ia përkujtoi Muratit se eksportet e Kosovës të vitit 2023 janë për 6 për qind më të ulëta se ato të vitit 2022.
Çka ke bë ministër për sektorin privat që po krenohesh me qarkullimin e tyre, përveç që ju ke marrë taksat dhe i ke shpërnda në formë të karrameleve.
“Në mandatin e juaj:
❌Investiemt kapitale të nivelit qendror janë të njëjta me ato të vitit 2017, plus ti ke inflacion 23% në tri vitet e fundit,
❌Bizneseve u është dyfyshu tatimi në pronë,
❌Bizneseve u është rritë çmimi i energjisë,
❌Bizneset për shkak të sanksioneve që ju e keni futë vendin e kanë pasë shumë më vështirë me i mirëmbajtë kontratat me partnerët e tyre jashtë dhe për atë arsye eksporti në vitin 2023 është për 6% me ulët 📉 se ai i vitit 2022.
❌Që dy vjet e ke drejtorin e ATK-së pa mandat, të emruarin e PDK-së në kohën e Bedri Hamzës ministër i financave, çka me të thanë…” – shkroi zonja Bajrami.
Ditë më parë, Bajrami ia cilësoi edhe kryeministrit Kurti një shkrim si të rremë.
“LVV dhe Albin Kurti janë të bindur që qytetarët e Kosovës janë analfabetë funksional përndryshe si mund të justifikohen manipulimet e tyre me shifra në këtë masë.” – shkroi ajo.
Ndërsa ish-kryeministri Hoti, që tash është deputet i LDK-së, e dha një pasqyre ekonomike mbi rritjen rapide të importit gjatë Qeverisë Kurti.
“Pse Kurti shtrembëron të dhënat për importet dhe eksportet e Kosovës?!
Importi gjatë qeverisjes së tij ka rritje rapide. Më 2023 ka arritur në 5.9 miliardë euro. Shihni figurën nga të dhënat zyrtare të ASK-së.
Deficiti tregtar është thelluar nga 3.1 miliardë euro në vitin 2019 (vit para pandemisë), në 5.1 miliardë euro në vitin 2023. Mbulimi i importeve me eksporte gjatë 10 viteve të fundit është pothuajse i njëjtë, nga 12%-16%, përjashto kohën e pandemisë. Ai që krenohet me këto të dhëna, ose nuk i kupton, ose mashtron opinionin.” – shkroi Hoti.
Gjatë një interviste për Klan Kosovën, Hamza shkoi me një grafikon në duar, duke shpjeguar se pse nuk qëndrojnë “krekosjet” e Kurtit e vartësve të tij për zhvillimin ekonomik.
“Përvec mungesës në ekonomi dhe investimeve kapitale, kemi edhe shumë probleme që janë kriju. Nepotizmi është në kulm.
Është folë për ckapjen e ndërmarrjeve publike, jo që janë ckapë, po janë plasë. Vendose bre edhe prej partisë politike po të paktën me qene profesionist i fushës, kur shkon në punë flamurin e partisë me lanë në parti. Është folë shumë për korrupsion. Kanë fitu zgjedhje me kauza dhe premtime që nuk i kanë përmbushë”, tha ai, ndër të tjera. /Nacionale/
