Kompania teknologjike amerikano-finlandeze Wolt ka njoftuar së fundmi emërimin e Lisandri Dragoj në postin e drejtorit të ri të përgjithshëm të Wolt në Shqipëri dhe Kosovë. Me mbi 16 vjet përvojë në transformimin e biznesit, udhëheqjen strategjike dhe inovacionin me në qendër konsumatorin, Lisandri sjell ekspertizë të madhe për të nxitur rritjen e Wolt në këto tregje të reja dhe dinamike.
Gjatë gjithë karrierës së tij, Lisandri ka demonstruar një përkushtim të fortë për nxitjen e inovacionit dhe udhëheqjen e ekipeve ndërfunksionale. Në rolet e tij të mëparshme drejtuese në një kompani të madhe ndërkombëtare të telekomunikacionit dhe teknologjisë, ai luajti një rol kyç në transformimin e hallkave kryesore të biznesit, duke afruar klientë të rinj dhe mbikëqyrë partneritetet strategjike. Ekspertiza e tij në menaxhimin e ekipeve të ndryshme, përafrimin e objektivave të biznesit dhe përmirësimin e përvojës së klientit e bën atë një emër të dalluar në misionin e Wolt për të ripërcaktuar peizazhin e shërbimeve online.
Ndërsa Wolt vazhdon të zgjerohet në Kosovë dhe Shqipëri, Lisandri do të fokusohet në përshpejtimin e rritjes së tregut, forcimin e partneriteteve dhe ofrimin e shërbimeve të jashtëzakonshme për klientët, korrierët dhe tregtarët. Kuptimi i tij i thellë në fushat e shërbimeve dixhitale dhe nevojave të konsumatorëve do të jetë i dobishëm në formësimin e suksesit të ardhshëm të Wolt në rajonin tonë.
“Është nder të bashkohem me një kompani që po riformulon mënyrën se si njerëzit përjetojnë ushqimin dhe shpërndarjen me pakicë. Ajo që më emocionon më shumë për Wolt është përkushtimi i fortë i kompanisë për të mbështetur ekonominë lokale – fuqizimin e bizneseve të vogla, krijimin e mundësive të reja të punës dhe nxitjen e rritjes në komunitetet ku shërbejmë. Ky mision përputhet në mënyrë të përkryer me pasionin tim për transformimin e biznesit dhe rritjen strategjike, një ndikim i qëndrueshëm në biznesin lokal dhe përmbushjen e nevojave të konsumatorëve”, tha Lisandri Dragoj
Wolt është një kompani teknologjike me seli në Helsinki, e cila ofron shërbime online për klientët, tregtarët dhe korrierët. Platforma lidh njerëzit që duan të porosisin produkte të ndryshme me ata që janë të interesuar për shitjen dhe dorëzimin e tyre. Për të mundësuar këtë, Wolt ka zhvilluar një sërë teknologjish të avancuara, duke përfshirë logjistikën lokale, zgjidhjet tregtare dhe mjetet financiare.
Misioni i Wolt është të krijojë mundësi të reja dhe t’i bëjë qytetet vende më të mira për të jetuar duke fuqizuar komunitetet lokale përmes zhvillimit dhe inovacionit. E themeluar në vitin 2014, Wolt bashkoi forcat me kompaninë amerikane DoorDash në 2022. Wolt tani operon në 31 vende.
