Kryetari i Nismës socialdemokrate, Fatmir Limaj, ka dhënë një intervistë në T7, ku ka folur për zhvillimet politike të kohëve të fundit, përfshirë për draft-statutin e Asociacionit.
Në emisionin “Frontal”, Limaj, që udhëheq me një parti joparlamentare, ka vlerësuar se Kosova është në pozitën më të keqe të përfaqësimit diplomatik.
“Kosova kurrë nuk ka qenë më në rrezik në mënyrë e përfaqësimit, kemi një qeveri, një diplomaci që kurrë s’ka ndodhë që Kosova, që kryeministri me shku në Parlament dhe me thënë e kam një marrëveshje që nuk mundem me negociu, e kam “merre ose leje”.” – deklaroi Limaj.
“Përveç e përmbysi dialogun, e ktheu jo në zero, por në minus, ata njerëz që shkuan atje, s’patën ide, dilitantë, të padijshëm, aventuristë.” – shtoi ai.
