Çifti ka kaluar kohë së bashku gjatë verës, përfshirë edhe pushime me familjen e Kim.
Hamilton madje ka takuar fëmijët e saj, duke treguar se lidhja e tyre po bëhet gjithnjë e më serioze dhe publike.
Foto: Instagram
Në një nga fotografitë e pushimeve, Kim shfaqet me një fustan të verdhë, derisa Hamilton është pranë saj.
Piloti i Ferrarit e shoqëroi postimin me një mesazh ku shprehu mirënjohjen për ditët e pushimit dhe tha se po rikthehej në pistë me energji të re.
Kim është parë duke luajtur dhe përkëdhelur qenin, së bashku me fëmijët e saj. Halo erdhi në jetën e Hamiltonit rreth dhjetë muaj pas vdekjes së bulldogut të tij të famshëm, Roscoe.
Marrëdhënia mes Hamilton dhe Kardashian u bë gjithnjë e më publike gjatë muajve të fundit.
Në fillim ata u shfaqën së bashku në disa raste, teksa në korrik Hamilton e konfirmoi praktikisht lidhjen kur u pyet nëse humori i tij i mirë lidhej me një të dashur të re dhe ai u përgjigj duke përmendur Kim.
Hamilton më parë kishte qenë në një lidhje të gjatë me Nicole Scherzinger, teksa Kim Kardashian ka qenë e martuar me Kanye West, me të cilin ka katër fëmijë. /Telegrafi/
