Kuvajti ka mbyllur hapësirën ajrore deri në njoftim të mëtejshëm, sipas agjencisë lokale të lajmeve Kuna.
Kjo vjen pikërisht në kohën kur Bahreini njoftoi gjithashtu mbylljen e hapësirës ajrore si një “masa paraprake”, ndërsa agjencia e lajmeve INA raporton se Iraku ka bërë të njëjtën gjë.
Katari e ka pezulluar përkohësisht trafikun ajror në gjithë vendin dhe disa ambasada perëndimore i kanë këshilluar shtetasit e tyre që të strehohen në vende të sigurta, pasi Irani ka kërcënuar për hakmarrje pas sulmeve amerikane në qendrat e tij bërthamore – Fordo, Natanz dhe Isfahan.
Në Katar – vend i pasur me naftë – i cili gjendet 190 kilometra në jug të Iranit, gjendet baza më e madhe ushtarake amerikane në rajon, Al Udeid.
“Autoritetet kompetente kanë bërë të ditur për pezullim të përkohshëm të trafikut ajror në hapësirën ajrore shtetërore, në kuadër të masave paraprake të ndërmarra, duke pasur parasysh zhvillimet në rajon”, ka thënë Ministria e Jashtme.
Ajo ka bërë të ditur se autoritetet janë duke vëzhguar situatën “në koordinim me partnerët rajonalë dhe ndërkombëtarë
