Kryetari i Partisë Demokratike të Kosovës, Memli Krasniqi, ish kryeministrat, Avdullah Hoti, Ramush Haradinaj dhe nënkryetarja e Kuvendit, Saranda Bogujevci janë disa nga politikanët të cilët do të marrin pjesë në Lutjet e Mëngjesit në Washington, që do të do të mbahen në fillim të muajit të ardhshëm.
Kreu i PDK-së ka paralajmëruar se për shkak se do të udhëtoj për ShBA, nuk do të marr pjesë në takimin e ftuar nga Ambasada Amerikane në Prishtinë, ku do të diskutohet për çështjen e asociacionit, më 31 janar.
Në anën tjetër, nga Grupi Parlamentar i VV-së kanë konfirmuar për IndeksOnline se nënkryetarja e Kuvendit, Saranda Bogujevci do të udhëtoj për ShBA.
Lidhja Demokratike e Kosovës do të prezantohet nga Avdullah Hoti dhe Armend Zemaj në këtë ceromoni. Kështu ka bërë të ditur për IndeksOnline, Arben Gashi.
Në anën tjetër, burime brenda AAK-së, kanë konfirmuar se përveç Haradinaj, për ShBA do të udhëtoj edhe Besnik Tahiri.
Zëdhënësi i Qeverisë, Përparim Kryeziu, nuk ka kthyer përgjigje, nëse dikush nga ekzekutivi do të marr pjesë në këtë ceremoni.
Lutja nacionale e mëngjesit është një manifestim që zgjatë disa ditë dhe marrin pjesë mbi 3000 mysafirë.
