- Advertisement -
Kryeministri i Kosovës, Albin Kurti, ka bërë sot homazhe te varri i dëshmorit Agron Rrahmani, në përvjetorin e rënies së tij heroike.
Dëshmori Agron Rrahmani u vra 26 vjet më parë në lagjen e Muhaxherëve në Prishtinë, më 12 maj 1998.
“U përkujtua maji i vitit 1998, kur brenda gjashtë ditësh, rezistenca e armatosur për çlirimin e Kosovës mori goditje të rënda nga humbja e Bahri Fazliut, Ilir Konushevcit dhe Agron Rrahmanit. Bahriu u vra më 7 maj, Iliri më 9 maj, kurse Agroni më 12 maj”, thuhet në komunikatë.
“Lavdi dëshmorit Agron Rrahmani, i rënë për lirinë e Kosovës bashkë me shokët dëshmorë, Bahri Fazliun dhe Ilir Konushevcin”, tha Kurti.
