Një javë pasi që ndodhi rasti i sulmit në kanalin kryesor në Zubin Potok, ka reaguar sërish kryeministri, Albin Kurti.
Duke postuar emblemat e gjetura, të cilat ishin konfiskuar nga Policia e Kosovës, Kurti ka thënë se këto emblema janë të grupeve ekstremiste dhe terroriste serbo-ruse, që kanë për qëllim destabilizimin e Kosovës.
“Ky zbulim shqetësues dëshmon për përfshirjen potenciale të grupeve ekstremiste dhe terroriste serbo-ruse, me lidhje të forta në Serbi, që kanë për qëllim destabilizimin e Kosovës dhe krijimin e një mjedisi të pasigurt në rajon. Stabiliteti dhe paqja në Ballkan kërkojnë një reagim të unifikuar dhe vendimtar kundër këtyre aksioneve terroriste dhe aktiviteteve destabilizuese që rrezikojnë sigurinë e përgjithshme dhe vlerat demokratike në rajon.” – ka shkruar Kurti.
