- Advertisement -
Njohësi i rrethanave të Ballkanit Perëndimor, Jasmin Mujanoviq, ka ngritur një paralele ndërmjet adresimit të kryeministrit Albin Kurti dhe presidentit ukrainas, Volodymyr Zelensky, në mënyrën e adresimit në gjuhën serbe dhe ruse në fjalimet e tyre.
Mujanoviq ka shpërndarë videon e djeshme të Kurtit, i cili bëri apel nga serbët e Kosovës të besojnë në institucionet e vendit dhe të mos bien pre e regjimit të Beogradit, duke implikuar ngjashmëri me Zelenskyn, shkruan lajmi.net
Kryeministri i Kosovës, Albin Kurti, u drejtohet serbëve në Kosovë në serbisht duke u kërkuar atyre që të refuzojnë ndikimin dhe ndërhyrjen e “regjimit autoritar në Beograd”. E frymëzuar qartë nga fjalimi i fundit i Zelenskyy në gjuhën ruse”, ka shkruar ai në ‘Twitter’.
