FIFA ka konfirmuar se teknologjia gjysmë automatike dhe më e avancuar do të përdoret në Kupën e Botës në Katar për të përshpejtuar kohën për të marrë vendime rreth pozicioneve jashtë loje.
Përveç një sensori në mes të topit, i cili dërgon të dhëna 500 herë në sekondë për të përcaktuar pikën e saktë të goditjes, 12 kamera të dedikuara me shumë gjurmime që janë “100% të sinkronizuara” do të montohen në çatinë e çdo stadiumi.
Çdo lojtar në pozicion jashtë loje do të shkaktojë një sinjalizim në kabinën e gjyqtarit që gjendet në VAR që mund t’i transmetohet gjyqtarit në fushë.
Sistemi u testua në Kupën Arabe dhe Kupën e Botës për Klube të vitit të kaluar, ku u vlerësua se kishte reduktuar kohën për të marrë vendime të VAR-it jashtë loje nga 70 në 25 sekonda.
“Ne jemi shumë pozitivë. Është gati,” tha kreu i gjyqtarëve të FIFA-s, Pierluigi Collina.
