Kryeministri “injoron” personat me nevoja të veçanta, i hipën xhipit dhe largohet nga Qeveria

Gjatë ditës së sotme UNICEF-i ka lansuar fushatën për ta rritur ndërgjegjësimin e publikut për barrierat me të cilat përballen fëmijët me aftësi të kufizuara.

Në këtë organizim është dashur të marrë pjesë edhe kryeministri i Kosovës, Albin Kurti. Mirëpo kjo nuk ka ndodhur.

Ekipa e Lajmi.net ka qëndruar sot në këtë organizim për të marrë një prononcim nga Kurti lidhur me këtë dhe zhvillimet e fundit në vend.

Mirëpo Kurti deri sa ishte duke u mbajtur organizimi është parë duke u larguar nga objekti i Qeverisë.

Zëvendëskryeministrja e Qeverisë së Kosovës, Emilje Rexhepi ka thënë se Kurti është dashur të shkojë në një takim urgjent.