Kryetari i Partisë Demokratike të Kosovës, Memli Krasniqi, dhe bashkëpartiakë kanë bërë homazhe në kompleksin memorial Adem Jashari në Prekaz, për nderë të 17 vjetorit të pavarësisë së Kosovës.
Krasniqi ka thënë se sot festojnë ditën që shënon përmbylljen e sakrificës shekullore të shumë gjeneratave për Kosovën shtet të pavarur.
“Në këtë festë të madhe, për vendin tonë, uroj gjithë qytetarët e Kosovës kudo që janë, gëzuar ditën e pavarësisë, ditën e festës së secilitë shqiptar. Kjo është një ditë e cila e ka përmbyllur sakrificën e madhe të gjeneratave duke e realizuar kërkesën që e ka pasur populli i Kosovës për dekada dhe secili prej nesh në këtë ditë duhet që të frymëzohet e të zotohet për të punuar më shumë për vendin tonë dhe për ta bërë më të mirë”, ka thënë Krasniqi.
Ai nuk ka lënë pa përmendur edhe ish-krerët e UÇK-së dhe institucioneve të Kosovës, të cilët akutalisht po mbahen në Hagë.
“Unë shfrytëzojë rastin t’ua uroj këtë ditë miqve tanë liderëve dhe udhëheqësve të UÇK-së që po mbahen padrejtësisht në Hagë, filluar nga presidenti Hashim Thaçi, kryetari Kadri Veseli, ish-kryetari Jakup Krasniqi dhe deputeti Rexhep Selimi dhe të tjerët me urimin që të jetë ky viti i fundit që shënojmë ditën e pavarësisë pa praninë e tyre”, theksoi kreu i PDK-së
