Komisioni Qendror i Zgjedhjeve do të fillojë fushatë për edukimin dhe informimin e votuesve të rinj për procesin zgjedhor në vendin tonë.
Ky projekt do të mbështetët vullnetarisht nga Këshilli Rinor i Ambasadës së Shteteve të Bashkuara të Amerikës me ligjërues dhe trajnerë me eksperiencë në qendrat regjionale.
“Zëri yt, vota jote!”, është slogani shoqërues i kësaj fushate që do të fillojë më 7 maj dhe do të përfundojë më 31 maj 2024 dhe që ka për qëllim edukimin dhe informimin e të rinjëve të cilët mund të jenë votues për herë të parë në procesin e ardhshëm zgjedhor.
E drejta dhe rëndësia e votës për t’u zgjedhur dhe për të zgjedhur përfaqësuesit, procesi dhe sistemi zgjedhor në Kosovë, informimi për qendrën e votimit dhe mundësinë për ndërimin e saj në çdo kohë, janë vetëm disa nga temat kryesore për të cilat do të informohen të rinjtë nëpër të gjitha komunat e Kosovës.
Gjatë kësaj periudhe gati njëmujore, KQZ do të organizojë ligjërata, diskutime, simulim të procesit të votimit, shpërndarje të materialeve informuese dhe sipas planifikimeve mund të përfutojnë rreth 23,000 të rinj.
