Kombëtarja e Kosovës në futboll luan sot një nga ndeshjet më të rëndësishme të saj në Ligën e Kombeve.
“Dardanët” presin Austrinë në stadiumin “Fadil Vokrri” në Prishtinë, në kuadër të Grupit B3.
Ndeshja nis në ora 18:00, ndërsa Kosova synon të rikthehet te fitorja pas barazimit 0–0 ndaj Izraelit.
Austria aktualisht kryeson grupin me 7 pikë, ndërsa Kosova ka grumbulluar 4 pikë. Në përballjen e parë mes dy skuadrave, Austria fitoi 3–1.
Në prag të sfidës, përzgjedhësi i Kosovës, Franco Foda, dhe kapiteni Vedat Muriqi kanë theksuar rëndësinë e përqendrimit dhe organizimit në të gjitha repartet për të marrë një rezultat pozitiv.
Stadiumi “Fadil Vokrri” pritet të jetë i mbushur nga tifozët kosovarë, të cilët do të kërkojnë ta shtyjnë ekipin drejt një paraqitjeje të fortë ndaj liderit të grupit.
