- Advertisement -
Kombëtarja e Kosovës në hendboll në konkurrencën e femrave ka mposhtur atë të Ishujve Faroe.
Në ndeshjen e zhvilluar në palestrën e qytetit të Istogut, Kosova mposhti 27:24 Ishujt Faroe.
Lojë më të mirë zhvilluan vajzat kosovare, ku edhe pjesën e parë e mbyllën me epërsi 14:13.
Më pas rezultati filloi të ngushtohej, por ‘Dardanet’ ishin të vëmendshme dhe regjistruan fitoren.
Kjo ndeshje u zhvillua në kuadër të fazës së parë kualifikuese në Kampionatin Botëror 2023.
Ndeshjen e kthimit Kosova e luan të shtunën me fillim nga ora 19:30, sërish në Istog.
