Gazeta SCANNER ka mbajtur sesionin e radhës të të trajnimeve në kuadër të projektit “Fuqizimi i bashkëpunimit komunitar në Kosovë: Promovimi dhe mbrojtja e të drejtave dhe interesave të komuniteteve”, i cili mbështetet nga Zyra për Çështjen e Komuniteteve në Qeverinë e Republikës së Kosovës.
Ky sesion Sesioni i tretë i trajnimit me titull: “Të drejtat e komuniteteve në Kosovë sipas legjislacionit në fuqi” është mbajtur në lagjen Kodra e Trimave në Prishtinë, konkretisht në lokalin “Infinit” në afërsi të shkollës “Asim Vokshi”. Ky trajnim është mbajtur trajneri Dardan Berisha.
Sikurse në trajnimet e kaluara, Berisha ka ligjëruar në vija të përgjithshme lidhur me kornizën ligjore dhe mbrojtjen e minoriteteve kundër diskriminimit.
Në këtë drejtim, ai ka folur për të drejtat e komuniteteve të cilat janë të sanksionuar me Kushtetutë dhe ligjet e Kosovës.
Ndërsa pjesëmarrësit në këtë trajnim kanë ndarë përvojat e tyre në jetën e përditshme dhe vështirësitë që hasin në realizimin e të drejtave të tyre.
Në këtë kontekst, disa nga ta kanë deklaruar se ka pasur raste kur janë diskriminuar në punësim dhe shëndetësi.
Sikurse edhe në sesionet e kaluara edhe kësaj radhe, pjesëmarrësit kanë thënë se kanë nevojë për organizimin e trajnimeve profesionale. Në këtë kontekst, ata kanë kërkuar përkrahjen e institucioneve. /Gazeta SCANNER/
