Komisionerja e BE’së i uron Shqipërinë dhe RMV-në që po e hapin shtegun për marrjen e parafinancimit nga Plani i Rritjes

Marta Kos, komisionerja e Bashkimit Evropian ka përgëzuar Shqipërinë si dhe Maqedoninë e Veriut, për marrjen e parafinancimit nga Plani i Rritjes nga BE-ja.

Ajo këtë e ka quajtur hap që nxitë në zbatimin e reformave kyçe.

“Urime Maqedonisë së Veriut dhe Shqipërisë për vendosjen e ritmit në Ballkanin Perëndimor për të marrë parafinancim sipas Planit të Rritjes të BE-së”.

“Kjo duhet të nxisë zbatimin e reformave kyçe për të nxitur rritjen, përmirësimin e jetës së qytetarëve dhe afrimin e vendeve me BE-në”, ka shkruar ajo në “X”.