Kjo është videoja e parë muzikore e realizuar nga inteligjenca artificiale
OpenAI krijoi videon e parë muzikore që u gjenerua plotësisht nga inteligjenca artificiale.
Videoklipi i këngës “Worldweight” nga Augusta Kemp është i disponueshëm në kanalin zyrtar të kompanisë në YouTube. Videoja është, për të thënë të paktën, unike, duke kombinuar pamjet psikedelike me muzikën e ambientit.
Në këtë video, shikuesit kalojnë nëpër mjedise të ndryshme – nga plazhet me re te pyjet me altarë, deri te skenat që të kujtojnë pjesë të teknologjisë aliene.
Është e rëndësishme të theksohet se detajet në lidhje me komandat e tekstit të përdorura për krijimin e videos nuk janë zbuluar, por Kamp ndau frymëzimin e saj për videon, duke shpjeguar se video është pikërisht ashtu siç e kishte imagjinuar gjatë krijimit të këngës
Ky është një shembull se si përparimet në teknologjinë e inteligjencës artificiale po u mundësojnë artistëve t’i kthejnë vizionet e tyre në realitet në mënyra të paimagjinueshme më parë.
Është interesante se video “Worldweight” nuk është një rast i izoluar i përdorimit të Sorës për të krijuar përmbajtje origjinale. Edhe kompania e produksionit Shy Kids përdori këtë teknologji për të krijuar filmin e shkurtër “Air Head”, i cili ndjek historinë e një njeriu me tullumbace në vend të kokës, duke demonstruar më tej gjerësinë e mundësive që ofron Sora në krijimin e përmbajtjes vizuale.
