Kryetari i PREBK, Albert Kinolli, sot ka mbajtur takimin e parë me kryeministrin në detyrë, Albin Kurti, për bisedime rreth formimit të qeverisë.
Kinolli konfirmoi se do të votojnë pro formimit të qeverisë në koalicion me VV-në.
”Sot kemi pas takim me Kurtin, një takim konstruktiv për të qenë pjesë e qeverisë së ardhshme. Ne si subjet politik rom, trandicionalisht jemi munduar të jemi konstruktiv dhe kreativ dhe të japim kontributin tonë për formimin e Qeverisë së Kosovë. Ne nuk kemi vija të kuqe për asnjë subjekt politik, por duke e respektu rezultatin zgjedhor dhe duke e pas parasysh që subjekti poltik VV është fituese e zgjedhjeve, sot kemi pas një takim konstruktiv me Kurtin kështu që ne kemi parashtru kërkesat dhe një ndër to është të jemi të barabartë dhe të denjë me të gjitha subjektet tjera politike.Më 15 prill do të japim maksimumin tonë për formimin e Qeverisë’, u shpreh Kinolli.
