Elton John ka rezultuar pozitiv me Covid-19. Këngëtari legjendar është detyruar të anulojë dy koncerte në Dallas të Teksasit për shkak të infektimit. Në një deklaratë për mediat, thuhet se 74-vjeçari është vaksinuar dhe po përjeton simptoma të lehta.
“Për fat të mirë, Eltoni është plotësisht i vaksinuar, dhe po përjeton vetëm simptoma të lehta. Fansat duhet të mbajnë biletat e tyre për datat e riplanifikuara që do të shpallen së shpejti. Elton dhe Farewell Yellow Brick Road mezi presin të kthehen në skenë së shpejti.”, thuhet në deklaratë.
Rokeri britanik sapo kishte rifilluar turneun e tij Farewell Yellow Brick Road më 20 janar, kur u kthye në skenën në New Orleans pas një pauze gati dy vjeçare. Elton John ka bashkëpunuar dhe me Dua Lipën, për të cilën ka treguar se ka një konsideratë të veçantë.
