Kearns: Pamjet nga Serbia shqetësuese, MB dhe BE të sigurojnë që Beogradi e kupton se paqja duhet të ruhet

Deputetja britanike Alicia Kearns ka shprehur shqetësim për zhvillimet në Serbi, duke kërkuar që autoritetet serbe të garantojnë sigurinë e qytetarëve dhe të parandalojnë klimën e frikësimit.

“Pamjet nga Serbia janë thellësisht shqetësuese dhe frika po rritet. Qeveria ka detyrimin t’i mbajë të gjithë qytetarët të sigurt dhe të sigurojë që të mos krijohet një klimë frikësimi apo të përdoren kërcënimet ushtarake kundër qytetarëve. Qeveria e Mbretërisë së Bashkuar dhe Bashkimi Evropian duhet të sigurojnë që qeveria serbe të mos ketë asnjë dyshim se paqja duhet të ruhet.”

Ajo u bëri thirrje qeverisë britanike dhe Bashkimit Evropian që të sigurojnë se autoritetet serbe e kuptojnë rëndësinë e ruajtjes së paqes.