Dështimet që po mbulohen nga mospasja e institucioneve.
Kjo ishte tema që u trajtua sonte në emisionin Rubikon në Klan Kosova.
E njëra që po konsiderohet si dështimi kryesor i Qeverisë së drejtuar nga Albin Kurti, është shtrenjtimi i rrymës.
Analisti politik Vehbi Kajtazi, tha se me disa veprime tashmë një pjesë e sovranitetit energjetik i është dorëzuar Serbisë.
“Dhe kush vendos tash për tarifat në veri? Për tarifat në veri tash vendos Beogradi. Se ai është kompani e Beogradit”, deklaroi Kajtazi në Klan Kosova.
Derisa gjatë ditës së djeshme kompania e cila operon në veri Elektrosever ka bërë të ditur se shtrenjtimi i tarifave të rrymës nuk do të vlejë për veriun.
Më 16 prill, Zyra e Rregullatorit të Energjisë e ka miratuar rritjen e çmimit të rrymës për 16.1 për qind.
Kjo u kundërshtua ashpër nga qytetarët dhe bizneset të cilët edhe protestuan në shenjë pakënaqësie.
