Juventusi e ka siguruar finalen e Coppa Italia edhe pse sonte humbi kundër Lazios me rezultat 2:1.
Por, “Zonja e Vjetër” kaloi tutje falë fitores me rezultat 2:0 nga ndeshja e parë.
Për romakët dy gola i realizoi sulmuesi Valentín Castellanos, në minutat 12 dhe 49-të.
Derisa, tutje klubin “bardh e zi” e dërgoi Arkadiusz Milik, i cili e ngushtoi epërsinë.
Skuadra e Massimiliano Allegrit, në finale do të ketë punë me njërin nga gjysmëfinalistët që do të luajnë nesër.
Aktualisht, Fiorentina është në avantazh kundër Atalantas me rezultatin nga ndeshja e parë.
“Violat” triumfuan kundër “La Deas” me rezultat 1:0.
Mbetet të shihet se cila nga këto dy skuadra do ta prekë finalen e Kupës së Italisë